من وحي نعمة الرب
بقلب يسوع موجود
وبإيمانو عم بيجود واضع للخطية حدود
فأجاب يسوع وقال:
ليس بالخبز وحده يحيا الإنسان،
بل بكل كلمة تخرج من فم الله "
(متى ٤:٤)
قال الرب يسوع:
" كلا أقول لكم، بل إن لم تتوبوا فجميعكم كذلك تهلكون ".
(لوقا ۳:۱۳)
هذه بداية المسيحية الحقيقية.
يا ناس أوعا تفكرو نحنا قلال
باب السما بيضل ضيّق لا مجال
لدخول أي شخص بدون الصليب
لشوّه ليسوع وهيك صار إلنا جمال
یا ناس أوعا تفكرو إني عظيم
أوعا تظنّو إنّي إنسان حكيم
يسوع فتش في أماكن مزريي
طهر حياتي وضمّني لأجمل نعيم
قبال النصيحة وما تكون من العصاة
لحتى ما تذهب بالخطية للجحيم
فكر بنفسك إنك بدونو تعيس
وبالخطيّة عبد للشخص النجيس
يسوع يلي حبنا مات عالصليب
صار إلنا الرب والشخص الحبيب
وأنت لما بتقبلو الفاديي المحبّ
بيصبح إلك بالمجد يا نعم النصيب
كل شخص بيعترف إنّه أثيم
دم المسيح بيطهرو وبيصبح أمين
يلا معي تا نلتقي عند الصليب
هونيك نصبح أهل لدخول النعيم
لازم نقدر هالمحبة الغاليي
يا رب اكشف عن عيون الخاطيين
تا يخلّصو بالدم من قعر الجحيم
ولما المحبة تنسكب بقلوبنا
منصير فعلا بالقداسة مزينين
يللي إجتنا من السماء العالي
ونقبل خلاصو متل ما قال الكتاب
وغير هيك يا مسكين سلتك فاضيي
يا ريت بتجرب بتركض ليسوع
وتذرف على إجريه في أغلى الدموع
بيصير عندك قلب مملوء بالحنان
وبالشرّ ما بتعود تفكر يا حبيب
هالكلام مش من عندي
يسوع اللي زرعها فيي
كل مؤمن بحب الرب
بيخلص بالمية ميّي
يسوع قرّب يجينا
من هيك عم بينادينا
وإذا ما جينا لعندو
بيكون الحق علينا
يسوع قرّب يجينا
من هيك عم بينادينا
ولما نحنا منطيعو
بروحو بيتغلغل فينا
يسوع قرّب يجينا
من هيك عم بينادينا
لما منسمعلو صوتو
هوي بيمسك إيدينا
يسوع قرّب يجينا
من هيك عم بينادينا
ولا منقبل خلاصو
الشيطان ما بيقوى علينا
يسوع قرّب يجينا
من هيك عم بينادينا
ولما نحنا منحبّو
هوي بيفتح عينينا
يسوع قرّب يجينا
من هيك عم بينادينا
ولما منذرف الدموع
دائماً بيشفع فينا
يسوع قرّب يجينا
من هيك عم بينادينا
ولما منقبل خلاصو
تحت جناحو بيحمينا
يسوع قرّب يجينا
من هيك عم بينادينا
ولما نحنا منقبلو
من جهنّم بينجينا
كورنثوس الأولى (۱۳) فيها نعمة غنية
بدّك تشبع قلب الربّ
طيع وطبّق يا خيي
بهالأيام نحن منحتاج
المحبة تتغلغل فينا
وإذا ما تعلّمنا نحبّ
يسوع ما بيرضى علينا
هيدي الصفة مفقودة
وبين الناس مش موجودة
و لما تنظر المصلوب
توهب بدون حدودي
يوحنا كان يتمناها
عا صدر يسوع لقاها
ولما تتمتع فيها قال
ذوقوها ما أحلاها
نحن اليوم فرحانين
وعم نعظم فادينا
بدنا نبشر على طول
هو هيك بوصينا
لازم نتكرّس حتى
يتغلغل حبّو فينا
يا اخوة أوعا تخافوا
يسوع قرب يجينا
ولّا نوقف ضد الشرّ
النعمة بيسكبها علينا
ولما نصمم نخدم
من الشيطان بنجينا
بدنا نحبك يا يسوع
وللعالم ما في رجوع
ولازم نذرف الدموع
ونركع على اجرينا
و لما منطيعك يا رب
العدو ما بيقوى علينا
يا خيي ارجع وتوب
حتى تصير ابنه المحبوب
واصرخ يا ربّي المحبوب
من جهنم نجينا
ومهما هاجمنا الشيطان
ما تهتمو وتخافو
لازم نطيع القبطان (يسوع)
وهو حملنا عكتافو
يسوع واقف على الباب
اسمع صوتو يا خيي
هو جميل وجذاب
اقبل منو العطية
يسوع ترك أمجادو
قلبو كان دوم علينا
وإذا ما سمعنا صوتو
بيكون الحق علينا
يسوع قرّب يجينا
من هيك عم بينادينا
ضروري نجي لعندو
حتى بدمو يغطينا
خلينا نسمع صوتو
ونركع على رجلينا
ولما نحنا منطيعو
هو بيمسك إيدينا
تيموثاوس كان صغير
لما قبل فادينا
ستو وامو علموه
من كتاب البين إيدينا
وانتو لازم تنتبهوا
في شياطين حوالينا
وضروري نصلّي ونتوب
لحتى بروحو يملينا
الشيطان بيقلنا ما نتوب
لحتى يعذب فينا
وإذا صدقنا الكذاب
بيكون الحق علينا
بيقلك بعدك صغير
وعالسما بعد بكير
ولما تكبر وتختير
لاحق عا هالدرب تسير
في كتار ماتو وهنّ صغار
فتحوا عيونن بالنار
تعلم منهم يا خيي
وما تكون بأمرك محتار
يسوع بينادي الأولاد
لحتى يجو لعندو
منشان حتى يريحهم
تيكونو دوم بإيدو
نيال اللي بحب الرب
لو ختير بيضلّو شب
ومهما تعب بالخدمة
بكرا بيجازيه الربّ
هالدني كلها فاضي
وما حدا فيها راضي
ما ننشغل فيها كتير
ونتمسك بالأراضي
لازم نعرف مركزنا
انو نحنا ولاد الربّ
يسوع الو خطبنا
لحتى غيرو ما نحب
ولما منحب المحبوب
هو بيعطينا المطلوب
ضروري نعرف شو بدو
وهيك بكتابو مكتوب
يا اخوة انتبهوا شويه
عا هالنعمة الغنية
ولما نتكرّس للربّ
مننجح بالمية مية
غيرك فكّر وتعذّب
وبكلام يسوع ما تهذّب
ما رح تحصل على شي
اوعا تجرب تتحزّب
عنّا شباب وشابات
مملوئين من البسمات
فرحو بالرب وضلّو
بالقداسة مزينات
حبّو الرب وما تخافو
وهو بشخصو حارسكن
ولما بتصلّوا أكثر
روح الرب بيلبسكن
في عليكم مسؤولية
انو تكونو سهرانين
وتتسيرو بهالبرية
تنتصرو على الشياطين
اوعا تنسو وتنامو
ودايماً تبقو تعبانين
لازم نخدم بمحبة
و نبقى دائما فرحانين
سنين طويلة من الحرب
وحوالينا قتل وضرب
ولا ساعة تخلّى عنا
ولا عمالنا متل الغرب
يسوع قرّب يجينا
ونحن الو مشتاقين
ولما نخدم ونبشر
منكون فعلا منتصرين
وبدنا نسهر ونصلّي
و نوقف بوجه الشيطان
وما تتذمر وتقلّي
اليوم منك أنا زعلان
كنيسة بدارو فيها
بالمواهب كافيها
فيها راعي عم بيقول
أنت يا رب تعافيها
كنيسة بدارو فيها
وبحبو مغلغل فيها
كل الفضل ليسوع
قال لبولس يرعيها
كنيسة بدارو فيها
يسوع وحدو حاميها
حظّي أنا كان كبير
لما انضميت إليها
اخ بولس بحب الربّ
لو ختير بيضلو شاب
نحن بدنا نصلّيلو
تيطوّل بعمرو الرب
بدنا نمتلي بالروح
نفرفح القلب المجروح
نبشر ما نخاف الشيطان
لما الرب بقلنا نروح
يسوع قال لي اوعا تخاف
من كبر المسؤولية
أنا حاملك عالكتاف
امشي عا وجه الميي
يا كنيسة حبّي يسوع
هو سهران عليك
ما تفتكري بالرجوع
بل حطّي النير عليك
في عنا شباب كتار
حاملين المسؤولية
الربّ بيولّع فينا النار
تَندَعوس راس الحية (الشيطان)
محبتنا لما بتزيد
يسوع فينا بيتحلى
وان ما حبّينا يسوع
لكنيسة بتبقى محلها
عيب علينا نتخلّى
عن هالخدمات الجلّى
ولما منطيعك يا رب
بكنيستنا بتتجلّى
الخطية مصيبة علينا
لما تتغلغل فينا
ضروري ترفضها ونقول
يا ربي منها حمينا
الكنيسة ضروري تخدم
حتى الرب يباركها
ولازم تتقدّس حتى
روح الرب يحركها
يا خيّ إياك تنام
وتنسى أنو في شيطان
لازم تسهر وتصلّي
وتنفّذ أمر القبطان (يسوع)
هالكلام مش من عندي
يسوع وضعهم فيّ
كل مؤمن بيطيع الربّ
بينجح ميه بالمية (%)
أوعى تنسو وتنامو
ودايما تبقو تعبانين
لازم نخدم بمحبة
و نبقى دائما فرحانين
يسوع قرّب يجينا
ونحن إلو مخطوبين
ولما نخدم ونبشّر
منكون فعلا منتظرين
يلا يا خي يلا
حتى نكمل هالمشوار
ما تتراجع وتقلّي
ما فيي احمل هالعار
قبل ما يجينا الربّ
أشخاص كتار بينامو
اسهر عا حالك يا شبّ
تذكر يوسف وأحلامو
أمو ماتت كان صغير
فتح عيونو بالبير
ولما رفض الشرّ
أصبح بمصر أمير
يسوع بحبك وبقول
إنت الدنيا عرض وطول
يلي بعيش بقربك
عمرو عالأرض بيطول
شو هالحياة الصعبة
كل يوم بتحصل رعبة
خلينا نفكر شوي
ونصلي منشان هالحي
نتواضع قدام الربّ
تتوصل للناس الميّ (الحياة)
بشرّي أنا بحبها
من هيك سكنت بقربها
الرب يفرح لي قلبي
والصلاة تفتح دربها (خلاص النفوس)
ما في غيرك يا يسوع
وحدك تمسح الدموع
يلي بيسمعلك صوتك
بيمشي وراسو مرفوع
نيال القلبو مفتوح
دايما بيضل مفرفح
الفضل لدم يسوع
يلي حلو وترحرح
يا خيي انت تايب
وبحبو قلبك دايب
عمول حسابك عالمظبوط
حتى ما تكون عنو غايب
الرب يبارك هذا البيت
ويخلص كل اللي فيه
ولما نوصل عالسما
منرتاح ومنقول خيّ
يا خيّي طول بالك
وبغير يسوع ما تقشع حالك
العالم رايح يتغير
دخول عالفلك بريّح بالك
يا خيّي إيّاك تنام
و تنسى إنو في شيطان
لازم تقرأ وتصلّي
وتنفّذ أمر القبطان (يسوع)
الإيام صارت قريبة
لحتى يجي حبيبي
لما تضحيلك شوي
ما تحسب هيدا مصيبة
يلا يا خي يلا
حتى نكمل هالمشوار
ما تتذمر وتقلّي
ما فيي احمل هالعار
تحذر يا خيّي من المال
لو كنو كلو حلال
يمكن يصبح مصيبة
وتتبخر كل الآمال
ربي يبارك هالضيعة
ويخلص فيها ناس كتار
قبل ما يجينا الرب
وتتفاجأ انك بالنار
يسوع واقف على الباب
اسمع صوتو يا خيّي
هو جميل وجذاب
اقبل منو العطية
جهنم أكيد موجودة
الرب حضّرها للشيطان
وإذا انت ما بتوب
رح تبقى دوما عطشان
كل الناس اللي يجهنم
عمّل يذرفو الدموع
وما حدا عم يسمعهم
وللتوبة ما في رجوع
يسوع ترك أمجادو
قلبو كان دوم علينا
وإذا ما سمعنا صوتو
بيكون الحق علينا
الايام صارت قريبة
لحتى يجي حبيبي
اوعا تنسو وتنامو
هيدا بيكون مصيبة
ومهما هاجمنا الشيطان
ما تهتمو وتخافو
يسوع ترك أمجادو
كان مشغول بالو علينا
لازم نجي لعندو
تيمسك بايدينا
ضيعة رحبه فيها ناس
يسوع عم بيناديهم
ضروري يقبلو الخلاص
حتى يصبح راعيهم
هو وحده الأساس
وما في غيرو بيحميهم
ولما يصبحوا أولاده
يجنهم ما بيرميهم
ولما يجي من السما
عالأرض ما بيخليهم
بدنا نحبك يا يسوع
وللعالم ما في رجوع
لازم نذرف الدموع
ونركع على اجرينا
وبدنا نبشر على طول
وبدنا نتبع راعينا
ولما نمشي مع يسوع
الشيطان ما بيقدر لينا
يا خيي ارجع وتوب
حتى تصير ابنو المحبوب
واصرخ يا ربّي المصلوب
من جهنم نجينا
كل الناس اللي يجهنم
عمل بيذرفو الدموع
وما حدا عم يسمعهم
لأنو رفضو فادينا
يسوع جايي عالسحاب
رح منشوفو بعينينا
وحولو بتلتقي الأحباب
وهو مشتاق إلينا
يسوع بوعدو بيقول
أنا مش رايح عاطول
ومحل اللي ودعتوني
منتلاقا مرة ثانية
بدي قول هالقصيدة
عن يسوع اللي جاي
وبدي بشّر كل الوقت
الرب يحقق هالغاية
يسوع بوعدو بيقول
أنا مش رايح عاطول
في عندي مهمة وبرجع
حتى كون معكم عاطول
يا تلاميذ انتظروني
في إلكن خدمة هوني
ولما تتنتهي الخدمة
ما رح تبقو انتو هوني
يسوع ارسل طمّني
انتظروني أنا جاي
ومحل اللي ودعتوني
منتلاقى مرة ثانية
لازم نصمد و نبشّر
وها لخدمة ما مندشّر
الايام صارت قليلة
لا تتراجع وتكشر
يا نايم قوم وصلّي
ما تقلى خدوم محلي
يسوع ما راح يتحير
انت بتخسر يدلّي
الرب يفتش عا خدام
وعا أمورهم هو سهران
ولما نمتلي بالروح
ونسكّر فم الشيطان
بعد هذا نظرت وإذا جمع كثير لم يستطع أحد أن يعده، من كل الأمم والقبائل والشعوب والألسنة، واقفون أمام العرش وأمام الخروف متسربلين بثياب بيض وفي
أيديهم سعف النخل، وهم يصرخون بصوت عظيم قائلين: " الخلاص لإلهنا الجالس على العرش وللخروف ". وجميع الملائكة كانوا واقفين حول العرش، والشيوخ والحيوانات الأربعة، وخروا أمام العرش على وجوههم وسجدوا لله قائلين: " آمين! البركة والمجد والحكمة والشكر والكرامة والقدرة والقوة لإلهنا إلى أبد الآبدين. آمين"!. وأجاب واحد من الشيوخ قائلا لي: "هؤلاء المتسربلون بالثياب البيض، من هم؟ ومن أين أتوا "؟. فقلت له: " يا سيد أنت تعلم .". فقال لي: " هؤلاء هم الذين أتوا من الضيقة العظيمة وقد غسلوا ثيابهم وبيضوا ثيابهم في دم الخروف من أجل ذلك هم أمام عرش الله ويخدمونه نهاراً وليلاً في هيكله، والجالس على العرش يحل فوقهم. لن يجوعوا بعد، ولن يعطشوا بعد ولا تقع عليهم الشمس ولا شيء من الحرّ، لأن الخروف الذي في وسط العرش يرعاهم ويقتادهم إلى ينابيع ماء حيّة، ويمسح الله كل دمعة من عيونهم ".
(الرؤيا : ۹ - ۱۷)
لقد كان عندي فرصة أن أزور الشاعر وديع الصافي وأخبره عن الرب يسوع وخلاصه، وقلت له هذه القصيدة.
يا وديع الصافي كتير غنيت وأصبحت أمير
ومهما تعمّرعلى هالأرض لازم عالطريق تسير
يسوع قال: أنا الطريق وهـــو كتير بحبك
لازم تعرف شو بدو بدمو بيغفر لك ذنبك
هالدني كلا فاضي وما حدا فيها راضي
ما ننشغل فيها كتير ونتمسك بالأراضي
قلبك قدامو مرايي وبيعرف كل أفكارك
وحدو عندو محايـــي بدمـــو بيغفر لك ذنبك
تحذر يا خيي من المال لو كنـــو کلــو حلال
يمكن يصبح مصيبه وتتبخر كل الأمال
يلا يـــــــا خيي يلا حتى نكمل هل المشوار
وما تتراجع وتقلّي ما فيي أحمل هالعـــار
كل الناس الي بجهنم عمل يزرفو الدموع
ما حدا عم يسمعهم وللتوبة ما في رجوع
- عدد الزيارات: 15